Хүнс, хөдөө аж ахуй, хөнгөн үйлдвэрийн сайд Ч.Улаан Засгийн газрын хуралдаанаар хэлэлцэн шийдвэрлэсэн асуудлын талаар сэтгүүлчдэд мэдээлэл өглөө. Тэрээр “Монгол Улсад 100 хувь импортоор авдаг хүнсний бүтээгдэхүүнүүд бий.
Тухайлбал, төрөл бүрийн будаа, элсэн чихэр, ургамлын тос. Энэ бүтээгдэхүүнүүдийн зах зээл дээрх хангамжийг тогтвортой байлгах, нэмэгдүүлэх зорилгоор гуравдугаар сарын 1-нээс зургадугаар сарын 30-ны хооронд гаалийн болон НӨАТ-ыг нь тэглэж байгаа. Үүнийг зохицуулсан хуулийн төслийг ойрын үед УИХ-д өргөн барина. Хаврын чуулганы эхэнд яаралтай горимоор хэлэлцүүлэх саналтай байгаа. Хууль батлагдтал тухайн хүнсний бүтээгдэхүүнүүдийн татварыг хоёр сарын хугацаагаар хойшлуулж байгаа” гэлээ.
