Манай улсад жилд дунджаар 4200 гаруй хос гэрлэлтээ цуцлуулж байна

Монгол Улсад жилд дунджаар 20 мянга гаруй хос гэрлэлтээ бүртгүүлдэг аж. Харин эдгээр залуусын 4200 гаруй нь тухайн жилдээ гэрлэлтээ цуцлуулдаг байна.

Гэр бүлээ бүртгүүлээгүй өөрөөр хэлбэл, хамтран амьдрагч гэсэн тодорхойлттой иргэд цөөнгүй байна. Хамт амьдраад 8-9 жил болсон ч гэрлэлтээ бүртгүүлээгүй, үр хүүхдээ эхээр нь овоглосон иргэд их байдаг аж.

Хамтын амьдрал зохиож олон жил болсон ч гэрлэлтээ батлуулаагүй хосуудын дунд гэр бүлийн үнэ цэнэ, бие биенээ хүндлэх байдал, хоорондын үүрэг, хариуцлага сул байдаг байна.

Түүнчлэн амьжиргааны түвшин доогуур зарим гэр бүл аливаа нийгмийн халамжийг хүртэхийн тулд гэрлэлтээ батлуулдаггүй аж. Тиймээс энэ төрлийн халамжийн үйлчилгээг гэр бүлийг цогцоор нь дэмжих талаас нь шийдэх хэрэгтэй байгааг мэргэжилтнүүд хэллээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн