Тээврийн цагдаагийн албаны Жижүүрийн шуурхай удирдлагын хэлтэст өнгөрөгч хоногт нийт 323 дуудлага мэдээлэл хүлээн авчээ. Үүний 267 нь зам тээврийн ослын шинжтэй дуудлага, мэдээлэл байв.
Тухайлбал, нийслэлийн Сүхбаатар дүүргийн 16 дугаар хороо Бэлхийн замд “Toyota Prius” маркийн автомашины жолооч А нь архи согтууруулах ундааны зүйл хэрэглэсэн үедээ тээврийн хэрэгсэл жолоодон, “Honda Civic” маркийн автомашин, “Daewoo” маркийн автобустай мөргөлдөж, улмаар жолооч 29 настай эмэгтэй А, 4-8 насны гурван хүүхэд гэмтжээ.
Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 22 жолоочийг илрүүлж, хуулийн дагуу хариуцлага тооцсон байна.
