Онцлох мэдээХууль эрхзүй

Хуульч О.Алтангэрэл: Үндэсний үйлдвэрлэгчдээ дэмжих хуулийг хэрэгжүүлэхгүй цуцалж, зүгээр л нүүрс, газрын баялгаа зөөдөг орон байх юм уу

Хуульч О.Алтангэрэл “Үйлдвэрлэлийг дэмжих хууль” хүчингүй болсонтой холбоотойгоор өөрийн цахим хуудсандаа байр сууриа илэрхийлжээ.

Тэрбээр “Арай ч дээ! 2015 онд УИХ “Үйлдвэрлэлийг дэмжих хууль”-ийг баталсан юм. Энэ хуулиар үйлдвэрлэсэн бүтээгдэхүүнийхээ 30-аас дээш хувийг экспортод гаргаж байгаа үндэсний үйлдвэрийн судалгаа хөгжүүлэлтийн зардлын 75 хүртэлх хувийн дэмжлэгийг төрөөс үзүүлэх, технологийн шинэчлэлтэд зориулсан хөрөнгө оруулалтын зээлийн хүүгийн зөрүүг олгох гэх мэт дэмжлэгүүд тусгагдсан байсан юм.

Харамсалтай нь энэхүү хууль хэрэгжиж эхэлснээс хойш нэг ч аж ахуйн нэгжид дэмжлэг үзүүлээгүй. Гадагшаа экспорт хийдэг цөөн хэдхэн аж ахуйн нэгж 2016 оноос хойш хүсэлт гаргаж, бичиг цаас бүрдүүлж хөөцөлдсөн боловч Сангийн яам татгалзаж, удаашруулж арга саам хийсээр өнөөг хүрсэн юм.

Гэтэл үндэсний үйлдвэрлэгчдийг 5 жил хүлээлгэсэн, зориуд хэрэгжүүлээгүй энэхүү хуулийг эрх баригчид оны өмнө чимээгүйхэн хүчингүй болгочихож❗️

Жинхэнэ баялаг бүтээгч, үндэсний үйлдвэрлэгчдээ дэмжих хуулийг хэрэгжүүлэхгүй цуцалж, зүгээр л нүүрс, газрын баялгаа зөөдөг орон байх юм ууИйм чухал үйл явдлыг тоохгүй, өнөө маргаашийн талцсан хэрүүлдээ живсэн улс байх юм уу. Үнэхээр үндэсний үйлдвэрлэлийг хөгжүүлэхгүй, ингээд байлгаж байх бүлэглэл байна уу. АМНАТ дээр бас яг ингэсэн.

Учир шалтгааныг тодруулж, мэдээлж өгөөч сэтгүүлчдээ…” хэмээсэн байна.

82428971_2507520029514400_5668761226130227200_n Хуульч О.Алтангэрэл: Үндэсний үйлдвэрлэгчдээ дэмжих хуулийг хэрэгжүүлэхгүй цуцалж, зүгээр л нүүрс, газрын баялгаа зөөдөг орон байх юм уу 82756833_2507533819513021_6456917154062139392_n Хуульч О.Алтангэрэл: Үндэсний үйлдвэрлэгчдээ дэмжих хуулийг хэрэгжүүлэхгүй цуцалж, зүгээр л нүүрс, газрын баялгаа зөөдөг орон байх юм уу

Screenshot-2020-01-18-14.00.09 Хуульч О.Алтангэрэл: Үндэсний үйлдвэрлэгчдээ дэмжих хуулийг хэрэгжүүлэхгүй цуцалж, зүгээр л нүүрс, газрын баялгаа зөөдөг орон байх юм уу

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close