Таксинд мартсан зүйлсийг жолооч цагдаад зориуд мэдэгдээгүй тохиолдолд хариуцлага хүлээнэ

Иргэд таксигаар үйлчлүүлээд буухдаа эд зүйлээ мартах, орхих тохиолдол гардаг билээ. Сүүлийн үед иргэдээс цагдаагийн байгууллагад “таксинд гар утсаа мартаж буусан” гэх гомдол мэдээлэл ихээр ирэх болжээ.

Хуульд зааснаар иргэдийн мартсан, орхисон эд зүйлийг таксины жолооч цагдаад мэдэгдэн хүлээлгэж өгөхгүй, хувьдаа завшсан тохиолдолд гэмт хэрэгтэн болж, ял шийтгэл хүлээнэ.

Иймд хувиараа таксины үйлчилгээ эрхэлдэг иргэд болон таксины жолооч нарыг үйлчлүүлэгчийн мартсан эд зүйлийг цагдаагийн байгууллагад мэдэгдэж, эзэнд нь хүлээлгэн өгөх, иргэний үүргээ биелүүлж, өөрт учирч болзошгүй эрсдэлээс сэргийлэх шаардлагатайг цагдаагийн байгууллагаас санууллаа.