Нийгмийн даатгалын асуудал хариуцсан төрийн захиргааны байгууллагаас тэтгэвэр авагчийн мэдээллийг харилцагч банкинд хүргүүлэх юм байна.
Банк тэтгэвэр авагчийн зээлийн үлдэгдэл төлбөрийг баталгаажуулж, мэдээллийг тэтгэвэр авагч болон нийт дүнгээр нийгмийн даатгалын асуудал хариуцсан төрийн захиргааны байгууллагад хүргүүлнэ. Ингэснээр Нийгмийн даатгалын асуудал хариуцсан төрийн захиргааны байгууллага банкнаас ирүүлсэн мэдээллийг банк тус бүрээр төрийн өмчит Эрдэнэс Монгол ХХК-д хүргүүлэх аж.
Ийнхүү мэдээллийг Эрдэнэс Монгол ХХК-д өгснөөр иргэний тэтгэвэр барьцаалсан зээлийн үүргийг үнэт цаас гаргаж төлөх гэрээг холбогдох банк тус бүртэй байгуулснаар зээлийн төлбөрийн үүрэг дуусгавар болсонд тооцхоор хуулийн төсөлд тусгагджээ.
Н.БАТАА
