Нийгмийн сэтгэл зүйОнцлох мэдээ

Ажлаа мэдэхгүй, арын хаалганы хүмүүс их зантай байдаг

Үйлчилгээний газраар явж байхад хүмүүсийн зан харилцаанаас нэгэн зүйл тод ажиглагдах ажээ. Төрийн байгууллагын үйлчилгээний газарт гэхэд хөөцөлдөж байгаа зүйлийнхээ талаар мэдэхгүй зүйлээ мэргэжилтнүүдээс асуухад хамарт нь баас түрхчихсэн аятай ярвайчихаад дуугарч яадаад байдаг. Асуусан асуултад уцаарлангуй, загнасан байдалтай хариулна. Зарим нь бүр дооглонгуй ярьж, ихэмсэг байх гэж хэт их хичээдэг.

Тэгвэл ажлаа мэддэггүй, арын хаалгаар ажилд орсон, мэргэжлээрээ цаашид ажиллах хүсэл тэмүүэлгүй, ажилдаа дургүй хүмүүс жирийн иргэдэд их зан гаргадаг гэдгийг судлаачид дурджээ. Хэн нэгний татаасаар ажилтай болсноо ихэд бодож, эргэээд хөрсөн дээрээ буухгүй юм шиг зан авир гаргадаг нь амар хялбар замаар албан тушаалд томилогдсонтой нь холбоотой байдаг аж Харин юм үзэж, нүд тайлсан, олон хүнтэй уулзаж, ажил төрөл хөөцөлддөг, ажил мэргэжилдээ дуртай хүмүүс бусдад үйлчлэхдээ энгийн сайхан ханддаг юм байна.

Анзаарсан бол салбартаа амжилт гаргаж байгаа, мэргэжлийнхээ түвшинд бусдад танигдсан хүнээс сонирхсон зүйлээ асууж тодруулахад дор нь учрыг тайлбарлаад, тухайн хүнд ойлгуулаад, мэдээлэл өгөөд явуулдаг шүү дээ. Гэхдээ ийм хүн цөөхөн байна. Энэ нь ялангуяа манай төрийн алба мэргэшсэн, мэргэжилдээ дуртай хүмүүсээр бус ар өврийн хаалганы их зантнуудаар дүүрсний тод илрэл билээ.

С.БОЛДБААТАР

logo-2 Ажлаа мэдэхгүй, арын хаалганы хүмүүс их зантай байдаг

ХОЛБООТОЙ МЭДЭЭ

Back to top button
Close