Зам тээвэр, хөгжлийн яам (ЗТХЯ)-ны газрын дарга асан Б.Махбалд холбогдох хэргийн урьдчилсан хэлэлцүүлгийн шүүх хуралдаан энэ сарын 6-ны 11:00 цагт товлогджээ.
Түүнийг 2018 оны наймдугаар сарын 9-нөөс 10-нд шилжих шөнө ЗТХЯ-ны Хяналт шинжилгээ, үнэлгээ, дотоод аудитын газрын дарга Т.Гомбосүрэнгийн амь насанд халдаж, онц хэрцгийгээр хүний амь хөнөөсөн хэрэгт шалгаж байгаа.
Нийслэлийн Прокурорын газар түүнд Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1 дэх хэсэгт зааснаар яллах дүгнэлт үйлдэж, хэргийг шүүхэд хүргүүжээ.
Энэ хэргийн шүүх хурал долоон удаа хойшилж, хагас жил дамнаж байгаа. Б.Махбал нь ШШГЕГ-ын харьяа цагдан хорих 461 дүгээр ангид саатуулагдаж байгаа юм.