Сэлэнгэ аймаг руу бага оврын онгоц ниснэ

Сэлэнгэ аймаг руу бага оврын онгоц нисэхээр болжээ. Нийт есөн хүний багтаамжтай онгоц долоо хоногт гурван удаа зорчигч тээвэрлэх юм байна. Тус аймгийн Засаг дарга Ш.Оргилын хэлснээр Улаанбаатар хот хүртэлх авто замын асуудал хүндрэлтэй байгаа тул ийм шийдвэр гаргасан аж. Тэр дундаа эрүүл мэндийн салбарынхантай зөвшилцсөний үндсэн дээр иргэдийн цагийг хэмнэх зорилгоор бага оврын онгоц үйлчилгээнд нэвтрүүлэхээр болсон нь энэ юм байна.

Онгоцыг аймгийн төвд буулгахаар болсон бөгөөд буух талбайг бэлтгэхдээ хуучин онгоц бууж байсан талбайгаа ашиглан зассан бөгөөд хөрөнгө мөнгөний асуудлыг аймгийн хэмжээнд шийдвэрлэжээ.

Ирэх арванхоёрдугаар сарын 25-ны өдрөөс зорчигчдоо хүлээн авч эхлэх онгоцны инженер техникийн асуудлыг ИНЕГ-аас зохион байгуулан ажиллах юм байна. Нислэгийн үнэ тарифын тухайд одоогоор тодорхойгүй ч ИНЕГ-аас тодорхой үнэ тогтоох аж.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн