МАН-ын Удирдах зөвлөл өргөн бүрэлдэхүүнээр хуралдлаа. Яг одоо УИХ дахь намын гишүүд Тусгаар тогтнолын ордонд шуурхай хуралдаж  байна. Албан ёсны эх сурвалжийн мэдээлж буйгаар хурлын дараа албан ёсны мэдэгдэл гаргах аж. Өчигдөр болсон  Ерөнхийлөгчийн сонгуулийн дахин санал хураалттай холбогдуулан МАН байр сууриа илэрхийлээгүй байгаа юм.

УИХ дахь МАН-ын бүлэг үдээс өмнө Төрийн ордны “Жанжин Д.Сүхбаатар” танхимд хуралдаж түр завсарлалаа. Хуралдаанаар Зөрчлийн тухай хуулийн төсөл, мөн Шүүхийн шийдвэр гүйцэтгэх тухай хуулийн төслийн шинэчилсэн найруулгын төслийг хэлэлцжээ. Намын бүлэг 17:00 цагт үргэлжлүүлэн хуралдах юм байна. Үдээс хойших хуралдаанаар хэлэлцүүлэгтэй холбогдуулан гишүүдийнхээ байр суурийг нэгтгэх аж.