Исламын улсын Хамгаалалтын корпусын цэргийн сансрын хүчний командлагч Амир Али Хажизаде Иран Улс хувийн үйлдвэрлэлийн 10 тонн бөмбөгтэй тухай мэдэгджээ. Энэ тухай Press TV-д бичсэн байна. Тэрбээр уг бөмбөгийг “бүх бөмбөгийн эцэг” хэмээгээд АНУ-ын хамгийн хүчтэй цөмийн бус зэвсгийг ч гүйцнэ гэжээ. Эх сурвалж:  Press TV

“Исламын улс” бүлэглэлтэй холбоотой дайчид Филиппиний өмнөд хэсэгт орших нэгэн дунд сургууль руу зэвсэгт халдлага үйлджээ. Одоогийн байдлаар халдлагад хэчнээн хүн өртсөн, хэд нь барьцаалагдсан тухай мэдээлэл алга байна. Филиппинд өмнө исламист дайчидтай хийсэн тулааны үеэр тэнгисийн явган цэргийн 13 хүн өртсөн билээ.

АНУ-ын цэргийн онгоц Сирийн Ракка мужид Сирийн армийн онгоцыг сөнөөжээ. Вашингтоноос Сирийн сөнөөгч онгоц АНУ-ыг дэмжиж буй босогчид руу бөмбөг хаясан гэж байгаа бол Дамаск “Исламын улс”-ын эсрэг ажиллагаа гүйцэтгэж явах үед нь сөнөөсөн гэжээ. Сирийн төрийн телевизийн мэдээлснээр онгоц сүйрч, нисгэгч нь сураггүй байгаа гэжээ.