АНУ аялал жуулчны болон бизнесийн B-1/B-2 виз мэдүүлэгчдээс тодорхой нөхцөлд 5,000-20,000 ам.долларын барьцаа шаардах "Visa Bond Program"-ыг байнгын журам болгон хэрэгжүүлж эхэллээ. Монгол Улс уг жагсаалтад багтсан хэвээр байна.

Улаанбаатар хотод замын хөдөлгөөн ачаалал багатай байгаа бөгөөд Цагдаагийн байгууллага шатахуун авахдаа хоёрдугаар эгнээнд дугаарлаж бусдад саад болохгүй байхыг анхаарууллаа.

Улсын чиглэлийн авто замын ашигласны төлбөрийг нэмэгдүүлсэнтэй холбогдуулан иргэн Э.Батбаяр 10,000 төгрөгийн нэмэгдлийг цуцлах өргөдөл УИХ-д гаргасан байна. Санал авах хугацаа наймдугаар сарын 27-нд дуусна.

Сөүл хот болон орчмын бүсэд хэт халалтын улмаас хамгийн өндөр түвшний халууны сэрэмжлүүлэг зарлаж, иргэдийг халуунд цохиулах эрсдэлээс сэргийлэхийг зөвлөжээ.

"Urban Talk" нэвтрүүлгийн оролцогчид болон санаачлагч Я.Учралд холбогдох Зөрчлийн тухай хуулийн дагуу торгууль ногдуулсан бөгөөд шалгалтын ажиллагаа үргэлжилж байна.

Нийслэлд энэ оны эхнээс усны ослоор 19 хүн амиа алдаж, сүүлийн гурван хоногт зургаан хүн нас барж, хоёр хүнийг эрэн хайж байна. Усны түвшин өндөр байгаа тул иргэдийг сэрэмжтэй байхыг анхааруулж байна.

Нийслэлийн Засаг дарга Б.Пүрэвдагва Цагдаагийн ерөнхий газарт мопед, скүүтерийн хэрэглээг буцаан эхлүүлэх үүрэг өгсөн байна. Одоогоор энэ төрлийн үйлчилгээ зогсонги байдалтай байгаа юм.

Эхийн сүүгээр дагнан хооллосон хүүхдийн гэдэсний халдварын эрсдэл 72 хувь буурдаг нь судалгаагаар тогтоогдсон бөгөөд Монгол Улс энэ үзүүлэлтээр харьцангуй сайн түвшинд байна.

Шатахууны нийлүүлэлт тасалдсанаас жуулчдын тээвэрт саатал үүсэж буй тул Монголын аялал жуулчлалын холбоо шатахуун нийлүүлэгчдэд шуурхай үйлчилгээ үзүүлэхийг уриаллаа.