Монголын хүүхдийн спортын 6-р наадмын шигшээ тоглолт энэ сарын 7-нд Улаанбаатар хотноо эхэлсэн. Тэмцээн 34 төрлөөр энэ сарын 15-ны өдөр хүртэл Улаанбаатар хотын 22 байршилд болох бөгөөд 21 аймаг, 9 дүүргийн 834 сургууль, 546 спорт клубуудын 6000 орчим өсвөрийн тамирчид оролцож байна.
Тэмцээний хүндийн өргөлтийн дүн гарсан байгаа бол бусад тэмцээнүүд үргэлжилж байгаа. Өнөөдөр Буянт-Ухаа ордонд Монголын Спортын хүүхдийн 6-р наадмын нээлтийн үйл ажиллагаа 11.00 цагт болно.
Хүндийн өргөлт дүнгээ гаргаад байгаа бол өнөөдөр буудлага, сагсан бөмбөгийн 3х3, 5х5, чөлөөт бөхийн тэмцээнүүд эхэлнэ.