Цахилгааны шөнийн тарифын хөнгөлөлт өнөөдрөөс хэрэгжиж эхэлнэ

Монгол Улсын Засгийн газар гэр хорооллын айл өрхийн агаарын бохирдлыг бууруулах зорилгоор 2017 оноос эхлэн шөнийн цагаар хэрэглэсэн цахилгааны тарифт хөнгөлөлт үзүүлж эхэлсэн байна. Энэ хөнгөлөлт жил бүрийн 11-р сарын 1-ээс 4-р сарын 1-ний өдрийг хүртэлх хугацаанд хэрэгжинэ.

Шөнийн тарифын хөнгөлөлтөд цахилгааны үлдэгдэл төлбөргүй, зөвхөн ахуйн хэрэгцээнд болон гэр сууц халаах зориулалтаар цахилгаан хэрэглэгчид хамрагдана. Хөнгөлөлтийг цагийн ялгавартай тоолууртай өрхүүд л ашиглах боломжтой юм.

Хөнгөлөлт оройн 21:00 цагаас өглөөний 09:00 цаг хүртэлх шөнийн хэрэглээнд хамаарах ажээ.