Амралтын өдрүүдэд цас орох, цасан шуурга шуурахыг анхааруулжээ

Цаг уур, орчны шинжилгээний газраас амралтын өдрүүдэд нойтон цас орох, цасан шуурга шуурахыг анхаарууллаа.

09-10-нд шилжих шөнө Баян-Өлгийн ихэнх, Увс, Ховд, Завханы хойд, Хөвсгөлийн баруун сумдын нутгаар 0.0-5.0 мм хэмжээтэй цас орж болзошгүй юм.

10-ны өдөр Баян-Өлгий, Ховд, Хөвсгөлийн зарим, Увс, Завхан, Булганы хойд сумдын нутгаар мөн цас орж магадгүй байна.

10-11-нд шилжих шөнө Завханы зүүн, Говь-Алтайн хойд, Хөвсгөл, Архангайн ихэнх, Булганы зарим сумдын нутгаар бороо, нойтон цас, цасан шуурга орж, шуурна гэж мэдээлэв.

11-нд Хөвсгөлийн зүүн, Өвөрхангайн хойд, Архангай, Булган, Сэлэнгэ, Төв, Хэнтийн зарим сумдын нутгаар мөн бороо, цас, цасан шуурга үргэлжилнэ.

Алтайн уулархаг газар, Арц Богдын өвөр хоолойгоор секундэд 15-17 метрийн хурдтай салхи шуурч, зарим үед секундэд 20 метр хүртэл ширүүсэж шороон шуурга шуурна.

Температурын хувьд Увс нуурын хотгор, Монгол-Алтай, Хангай, Хөвсгөлийн уулархаг нутаг, Завхан, Заг-Байдраг голын эх, Идэр, Тэс голын хөндий, Хүрэнбэлчир орчмоор +3…+8 градус,

Их нууруудын хотгор, Алтайн уулархаг нутаг, Хангайн нурууны өвөр бэл орчмоор +9…+14 градус,

Орхон-Сэлэнгийн сав газар, говийн бүс нутгийн өмнөд хэсэг, Дорнодын тал нутгаар +19…+24 градус, бусад нутгаар +13…+18 градус дулаан байна.