И-Баримтыг хуурамчаар үйлдэж урамшуулал авсан хэргийг шалгаж байна

Б.У нь Сэлэнгэ аймагт тариалангийн үйлдвэрлэл эрхэлж байхдаа 2024 оны наймдугаар сарын 20-наас аравдугаар сарын 23-ны хооронд нийт 459 сая төгрөгийн борлуулалт хийсэн мэтээр и-баримтыг хуурамчаар үүсгэжээ.

Тэрбээр и-баримтыг ашиглан Хүнс, хөдөө аж ахуй, хөнгөн үйлдвэрийн сайд болон Сангийн сайдын “Тариалангийн үйлдвэрлэл эрхэлж байгаа иргэн, хуулийн этгээдийн үйлдвэрлэсэн бүтээгдэхүүнд мөнгөн урамшуулал олгох, мөнгөн бус дэмжлэг үзүүлэх журам”-д заасан хүнсний ногооны урамшуулалд хамрагдаж, нийт 316.2 сая төгрөгийг хууль бусаар авсан байна.

Уг хэрэгт Эрүүгийн хуулийн 18.7 дугаар зүйлийн 1 дэх хэсэгт заасан “Мөнгөн тэмдэгт, үнэт цаас, төлбөр тооцооны хэрэгсэл хуурамчаар бэлтгэх, ашиглах” гэмт хэргийн шинжтэйгээр яллах дүгнэлт үйлдэж, Сэлэнгэ аймгийн Сайхан сум дахь сум дундын шүүхэд шилжүүлжээ.

Монгол Улсын Ерөнхий Прокурорын Газраас 2026 оны тухайн сарын 21-нээс 25-ны өдрүүдэд хэрэг бүртгэлт болон мөрдөн байцаалтын 44,815 эрүүгийн хэрэгт хяналт тавин ажилласны дотор 1,381 гэмт хэргийн шинжтэй гомдол, мэдээлэл бүртгэгдсэн байна.

Дээрх хугацаанд 799 шинэ хэрэг нээж, 256 хэргийг прокуророос яллах дүгнэлт үйлдсэн бөгөөд эдгээрт хүний эрүүл мэнд, хөдөлгөөний аюулгүй байдал, өмчлөх эрх, хүрээлэн буй орчин, олон нийтийн аюулгүй байдал, авлига, эдийн засгийн гэмт хэрэг зэрэг төрөл бүрийн гэмт хэргийн хэргүүд багтаж байна.