“Urban Talk” нэвтрүүлгийн оролцогчид болон санаачлагчийг торгожээ

“Urban Talk” нэвтрүүлэгт оролцсон зургаан иргэнийг Зөрчлийн тухай хуулийн дагуу тус бүр 100 мянган төгрөгөөр торгосон байна. Тус нэвтрүүлгийн санаачлагч Я.Учралыг нэг сая төгрөгөөр торгожээ.

Нэвтрүүлгийн үеэр оролцогчид “Өнчин таван охиныг олж, насанд хүрэгчдийн кино хийнэ” гэсэн агуулгатай яриа өрнүүлсэн нь олон нийтийн дунд шүүмжлэл дагуулж, Цагдаагийн ерөнхий газар болон Улсын ерөнхий прокурорын газраас шалгалтын ажиллагаа эхлүүлсэн юм.

Шалгалтын үр дүнд “Учралт каналайзер” ХХК нь хүүхдэд хор хөнөөлтэй агуулгыг хязгаарлах үүргээ биелүүлээгүй байж болзошгүй гэж үзэн, харьяаллын дагуу Сүхбаатар дүүргийн Хүүхэд, гэр бүлийн хөгжил, хамгааллын хэлтэст шалгуулахаар шилжүүлжээ.