Хилээр хууль бусаар нэвтрэхийг завдсан хэргийг шүүхэд шилжүүлжээ

Д.А нь 2025 оны арванхоёрдугаар сарын 02-ны өдөр Замын-Үүдийн авто замын боомтоор Г.Д-тай урьдчилан тохиролцож, түүний эзэмшлийн тээврийн хэрэгсэлд нуугдан Монгол Улсын хилээр хууль бусаар нэвтрэхийг завдсан хэрэгт холбогджээ.

Энэхүү хэргийг прокуророос Эрүүгийн хуулийн 19.14 дүгээр зүйлийн 2 дахь хэсгийн 2.1-д зааснаар яллах дүгнэлт үйлдэж, Дорноговь аймгийн Замын-Үүд сум дахь сум дундын шүүхэд шилжүүлсэн байна.