Хөвсгөл нуурыг усны дроноор судалсан онцгой байдлын албан хаагч
Завхан аймгийн Улиастай хотод төрсөн энэхүү дрончин 2014 онд Эрдэнэтийн 186 дугаар мото буудлагын ангид хугацаат цэргийн алба хааж, 2016 онд Онцгой байдлын албанд дэд ахлагч цолтой орсон.
Тэрээр 2019 онд “Эко-Алтан заамар” компанийн нурангаас эрэн хайх, аврах ажиллагаанд, 2023 онд Турк улсад болсон газар хөдлөлтийн аврах ажиллагаанд оролцсон бөгөөд 2021-2024 онд Монгол Улсын Ерөнхийлөгч У.Хүрэлсүхийн санаачилгаар хэрэгжсэн Хөвсгөл нуураас машин, техник татан гаргах ажиллагаанд идэвхтэй оролцжээ.
Хөвсгөл нуурыг цэвэрлэх анхны ажиллагаа нь 1985 онд живсэн “Сүхбаатар” хөлөг онгоцыг татан гаргах ажил байсан бөгөөд тэр үед шумбагчаар ажилласан байна. Олон хоног үргэлжилсэн тус ажиллагаа нь шумбахад хүндрэлтэй байсан ч их туршлага олгосон гэжээ.
Ажиллагааны дараа Монголд анх удаа усны дроныг нэвтрүүлэхээр Франц улсад сургалтад явж, онцгой байдлын албанд шинэ техник, технологи нэвтрүүлсэн нь шумбагчийн ажлыг хөнгөвчилсөн байна.