Цаг агаарын мэдээ: 2026 оны 02-р сарын 22-27-ныг хүртэлх төлөв

2026 оны 02-р сарын 22, 23-нд нутгийн зүүн хэсгээр хүйтэн, салхи шуургатай байхыг малчид, иргэд, тээвэрчдэд анхааруулж байна.

2026 оны 02-р сарын 23-наас 27-ныг хүртэлх цаг агаарын урьдчилсан төлөвт:

23-нд Монгол-Алтайн уулархаг нутгаар, 24-нд баруун аймгуудын ихэнх нутаг болон төвийн аймгуудын нутгийн баруун хэсгээр, 25-нд нутгийн хойд хэсгээр, 26-нд баруун аймгуудын нутгийн хойд болон төвийн аймгуудын нутгийн баруун ба хойд хэсгээр цас орж, цасан шуурга шуурна.

Салхи 23-нд тал хээрийн нутгаар, 24-нд нутгийн баруун хэсгээр, 25, 26-нд нутгийн зарим газраар секундэд 14-16 метр хүрч ширүүсч, нутгийн өмнөд хэсгээр шороон шуурга шуурна.

Увс нуур, Дархадын хотгор, Завхан, Заг-Байдраг голын эх, Идэр, Тэс, Ерөө голын хөндийгөөр шөнөдөө -35…-40 градус, өдөртөө -21…-26 градус, Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -30…-35 градус, өдөртөө -16…-21 градус, говийн бүс нутгийн өмнөд хэсгээр шөнөдөө -13…-18 градус, өдөртөө -1…-6 градус, Хангайн нурууны өвөр бэл болон говийн бүс нутгийн хойд хэсгээр шөнөдөө -18…-23 градус, өдөртөө -6…-11 градус, бусад нутгаар шөнөдөө -23…-28 градус, өдөртөө -11…-16 градус хүйтэн байна.

24-нд Хангайн нурууны өвөр бэл болон говийн бүс нутгаар өдөртөө дулаарна.