2025 оны IV улирлын НӨАТ-ын урамшууллын буцаан олголтоор албан татвараа төлөх боломжтой

Иргэд 2025 оны IV улирлын НӨАТ-ын урамшууллын буцаан олголтоороо албан татвараа төлөх боломжтой боллоо. Тухайлбал, автотээврийн хэрэгслийн албан татвар, галт зэвсгийн албан татвар, үл хөдлөх хөрөнгийн албан татвар, газрын төлбөр, газрын үл хөдлөх эд хөрөнгийн албан татвар, малын тоо, толгойн албан татвар, авто зам, замын байгууламж ашигласны төлбөр зэрэг татваруудыг уг урамшууллын буцаан олголтоор төлөх боломжтой юм. Мөн 2026 оны нэгдүгээр сарын 22-ноос 26-ны өдрүүдэд E-Barimt системээр төлбөр төлөх хүсэлт гаргах боломжтой гэж Татварын ерөнхий газраас мэдээлэв.