Монголын Үндэсний Бөхийн Холбооны 2024 оны нэгдүгээр сарын барилдааны хуваарь

Монголын Үндэсний Бөхийн Холбооноос 2024 оны нэгдүгээр сард зохион байгуулах албан ёсны барилдаан, үйл ажиллагааны хуваарийг танилцууллаа.

1 дүгээр сарын 10-нд “Талх-Чихэр” компанийн хэвийн боовны баярт зориулсан аймаг, цэргийн цолтой болон залуу 256 бөхийн уламжлалт барилдаан болно.

1 дүгээр сарын 11-нд Дархан хотын 65 жилийн ойд зориулсан улс, аймаг, цэрэг, сумын цолтой болон залуу 256 бөхийн барилдаан зохион байгуулагдана.

1 дүгээр сарын 13-нд шинэ үндсэн хууль батлагдсаны 34 жилийн ойд зориулсан улс, аймаг, цэрэг, сумын цолтой чансаа өндөр 128 бөхийн уламжлалт барилдаан болно.

1 дүгээр сарын 17, 18, 24-нд Монголын Үндэсний Бөхийн Холбооны Алтан цомын барилдааны тавдугаар тойрог болон зургаадугаар тойргийн эхний хагас барилдаанууд болно.

1 дүгээр сарын 25-нд сумын цолтон болон залуу бөхчүүдийн ээлжит барилдаан зохион байгуулагдана.

1 дүгээр сарын 31-нд Ховд аймгийн Мөст сум үүсгэн байгуулагдсаны 85 жилийн ойд зориулсан, тус сумын харьяат Монгол Улсын заан Цэдэвийн Мягмарсүрэнгийн нэрэмжит улс, аймаг, цэргийн цолтой 128 бөхийн барилдаан болно.