АНУ Монгол Улсын Зэвсэгт хүчинд барилгын цэргийн тоног төхөөрөмж хүлээлгэн өгөв

Улаанбаатар дахь Америкийн Нэгдсэн Улсын Элчин Сайдын Яамны Цэргийн Бүлэг Монгол Улсын Зэвсэгт хүчинд барилгын цэргийн болон инженерийн зориулалттай тоног төхөөрөмж хүлээлгэн өглөө. Тоног төхөөрөмжид чиргүүлтэй ачааны хоёр машин, тэсрэх хэрэгслийн хайгуул, устгалын бүлгийн хэрэгслүүд багтсан байна.

Арга хэмжээнд АНУ-ын Элчин Сайдын Яамны Цэргийн бүлгийн дарга хошууч Андрью Адамс, Улстөрийн хэлтсийн дэд дарга Иэн Кроуфорд, Монгол Улсын Зэвсэгт хүчний Жанжин штабын Энхийг дэмжих, цэргийн хамтын ажиллагааны хэлтсийн дарга хурандаа Д. Мягмаржав, Инженерийн хэлтсийн ахлах офицер Я. Ганбаяр нар оролцлоо.

Тоног төхөөрөмжийг АНУ-Монгол Улсын батлан хамгаалах хамтын ажиллагааны гэрээний хүрээнд нийлүүлж байгаа бөгөөд энэ нь Монгол Улсын Зэвсэгт хүчний энхийг сахиулах чадавхыг сайжруулах цуврал ажлын нэг хэсэг юм.