Хөгжлийн бэрхшээлтэй хүүхдийн хөгжлийн төвтэй боллоо
“Хөгжлийн бэрхшээлтэй хүүхдийн хөгжлийн төв” маргааш (2019.01.24) үүдээ нээнэ. Энэ байгууллага хөгжлийн бэрхшээлтэй хүүхдүүд эмчилгээ, үйлчилгээнд бүрэн хамрагдах орчин үеийн чанарын шаардлага хангасан үйлчилгээ явуулах юм.
Барилгыг Монгол Улс, БНХАУ-ын хооронд дипломат харилцаа тогтоосны 70 жилийн ойд зориулсан, БНХАУ-ын буцалтгүй тусламжаар барьжээ. Төв БГД-ийн 20 хорооны нутагт Сонсголонгийн зам дагуу, ТЭЦ -4 ХХК-аас урагш, Сонсголонгийн гүүрний зүүн хойд талд байрлаж буй юм.