Эмэгтэйчүүд яагаад шинэ жилийн баяр, шинэ жилийн үдэшлэгт дуртай байдаг вэ? Байнга ажил гэр хэмээн гүйж, хүүхэд асарч, гэртээ цэвэрлэгээ хийх, хоол хийх ажлаас бага зэрэг залхаад энэ орчноос түр ч атугай хөндийрөхийг хүссэндээ шинэ жилийн үдэшлэгт дурладаг уу.
Эсвэл сайн сайхан, аз жаргалыг билэгддэг гэрлэн чимэглэл бүхий ид шидийн уур амьсгал, баяр хөөртэйгөөр хүлээн авдаг гайхалтай бэлгүүд тэднийг татдаг уу. Аль эсвэл шинэ жилийн үдэшлэгийн хамгийн дэгжин, гоё сайхан даашинзыг өмсөх мөрөөдлөө биелүүлэх гэж үү.
Аль нь ч байж болно. Юутай ч бүтэн жилийн турш шинэ жилийн үдэш шиг сайхан баяр ганцхан л удаа тохиодог нь үнэн. Тиймээс ч шинэ жилийн хамгийн тансаг, загварлаг даашинзыг сонгон авдаг нь эргэлзээгүй. Ингээд бүсгүйчүүдийн мөрөөдөл болсон 2019 оны шинэ жилийн хамгийн гоёмсог, дэгжин 60 даашинзыг хамтдаа сонирхож, нүдээ хужирлацгаая!
Шинэ жилийн үдэшлэг хаалтаа хийх хараахан болоогүй байна, хугацаа бий. Эндээс сонголт хийж, амжаад мөрөөдлийн даашинзаа худалдан авах боломж ч танд бий шүү.
Цэцэг: Өвлийн билэгдэл юу билээ. Арай цэцэг биш байх тийм үү. Тэгээд ч цэцгийг санагдуулам, цэцгэн гоёлтой даашинз шинэ жилийн загвар руу тэр бүр орж ирдэггүй байх. Гэхдээ энэ жил цэцэгнээс битгий болгоомжил. Шинэ жилийн хамгийн сайхан бүсгүй байна хэмээн төсөөлж байгаа бол цасан цагаан билэгдэлтэй өвлийн үдэшлэгт гоёмсог гялалзсан саагаар гоёсон цэцэгтэй, тансаг даашинзыг сонгоорой. Цэцэг нь хатгамал, гоёлоор дүүрэн харагдаж байвал илүү тансаг байх болно.
Уусмал өнгө: Даашинзны өнгө сонгохдоо дараагийн жилийн бэлгэ тэмдгийг оролцуулаарай гэж зурхайчид зөвлөсөн байна. Мэдээж хэрэг энэ өнгө нь таны гадаад төрхтэй зохицох ёстой. Шинэ 2019 онд бүсгүйчүүдийн загварын ертөнцөд бор, шар, ногоон түүний уусмал өнгө давамгайлна. “Зөгийн бал”-ыг санагдуулам шаргал, “шоколад”-ыг бодогдуулам хүрэн, эсвэл “карамель” улаан өнгөний уусмал ч зохистой сайхан харагдана. Таны сонгосон даашинзны стиль, өнгө хоёр таныг төгс харагдуулах нь чухал.
Хар: Энэ бол хамгийн сонгодог өнгө. Бүсгүйчүүдийг үргэлж загварлаг, дэгжин бас туранхай, дур булаам харагдуулдаг нууц энэ өнгөнд л оршдог.
Хар өнгө бол ямар ч эрсдэлгүй бас гоо сайхан харагдуулна. Шинэ жилийн гоёмсог даашинзны өнгө дунд хар өнгө хамгийн загварлаг нь байна гэдэгт эргэлзэх хэрэггүй.
Гялгар, нунтаг өнгө: Шинэ жилийн үдэштэй хосолсон зөөлөн нунтаг, гялгар өнгө залуу охид, бүсгүйчүүдэд төдийгүй, эрчүүдийн цамц, зангианд ч тохиромжтой. Өсвөр насныхны хувьд гялалзсан сүүдэртэй хувцас илүү тохиромжтой. Харин ахимаг насны эмэгтэйчүүдийг энэ өнгөний арай сэрүүн буюу царцсан юм шиг, биетэй даавуугаар хийсэн даашинз илүү сайн сайхан харагдуулна.
Номин ногоон: Шинэ жилийн бэлэгдэл, мөнх ногоон өнгөний ийм хувилбар 2019 оны шинэ жилийн үдэшлэгийн онцлох гоёлд тооцогдож байна. Энэ өнгө нь хар, хүрэн болон шаргал үсэнд аль алинд нь төгс сайхан зохицоно.
Улаан: Тод улаан өнгө түшсэн энэ загвар нь хамгийн тансаг, сонгогдсон эмэгтэйлэг загвар. Цээж, мөр нь нээлттэй энэ загварыг дан ганц даашинз хэлбэрээр сонгох биш сэвгэр эсвэл нарийн юбкатай ч хослуулж болно. Гэхдээ юбка сонгохдоо анхааралтай хандаарай. Юбка сонгохоор бол сул талаа сайн нуух хэрэгтэй. Гэхдээ энэ загварыг зуслан, амралтын газар тэмдэглэгдэж буй шинэ жилийн үдэшлэгт сонгоход тохиромжтой.
Тэгш биш загвар: Тэгш бус хөндлөн зүсэлттэй загвар бүсгүй таныг хамгийн дур булаам харагдуулна.
Үс тодруулсан загвар: Шинэ жилийн гоёл чимэглэлийг түшсэн, гоёл чимэглэл оролцуулсан материалаар хийсэн энгийн загварууд нь оройн үдэшлэгт тохиромжтой. Ийм заварыг тансаг бугуйн гоёл, зөөлөн захан оруулгаар нэмэн чимвэл бүр ч гоёмсог. Хэрвээ ийм даашинз сонгож байгаа бол үсээ задгай тавьж, дэгжин хэв маягаар янзлах хэрэгтэй. Даашинзандаа тохируулаад энгийн үсний засалт ч хийж болно.
Атлас, силки: Торго, торгон материалыг санагдуулам гэрэл гэгээтэй атлас, силкээр хийсэн даашинзнууд шинэ жилийн трэнд болж байна. Биед зөөлөн, наалдацтай эдгээр даашинзууд дэрэвгэр хормойтой эсвэл банзал нь нарийхан байсан ч болсон. Ийм урт загварууд биеийн согогийг нууцлах давуу талтай.
Зөөлөн хилэн: Шинэ жилийн чимэглэлийг санагдуулам дэвсгэртэй, зөөлөн хилэнгээр хийсэн бие барьсан, эсвэл бага зэрэг дэрэвгэр хормойтой цамц бүхий юбканы хослол нь гоо үзэсгэлэнтэй харагдуулаад зогсохгүй үдэшлэгийн турш таныг үнэ цэнэтэй харагдуулна. Энэ материал шинэ оны хувцас загварын сонголтод дээгүүрт бичигдэж байгаа.
Металлын гэрэл: Гялалзсан өнгөтэй энэ даавуу металл урсгалын зөөлөн өнгө байх болно. Хувцаслалт нь энгийн мэт харагдуулах боловч эзнээ цоглог, жавхаатай харагдуулна.
Мини загвар: Эмэгтэйчүүдийн загварын ертөнцөд 50 жил ноёрхсон мини загвар яагаад байж болохгүй гэж. Шинэ жилийн баярын үдэшлэгийн эзэн заавал шал хүрсэн эсвэл өвдөгний урттай дүйх хэмжээний даашинзаар гоёх ёстой гэсэн дүрэм, журам байхгүй шүү дээ.
Мини загвар дээр өндөр өсгийтэй шаахай өмсдөг учраас хөл илүү урт, сайхан харагдана. Хамгийн гол нь банзал богино, цэвэрхэн байх ёстой.
Сүлжмэл даашинз: Сүлжмэл, нэхмэл даашинз таныг шинэ жилийн үдэшлэгийн ялагч болгоно. Бас эмэгтэйлэг, зөөлөн, романтик харагдуулна.
Нээлттэй загвар: Энэ бол сонгодог үдшийн загвар юм. Нурууны ил гарсан гурвалжин эсвэл зүрхэн хэлбэртэй орон зайг тохирсон жижиг хүзүүвчээр гоёсон ч болно. Загвар таныг төгс харагдуулна гэдгийг санаарай.
Давхар хормтойтой загвар: Зөөлөн хилэн, эсвэл гялалзсан материалаар хийсэн давхар хормойтой ийм загвар 2019 оны бүсгүйчүүдийн загварын хандлагыг тодорхойлолцох болно. Тиймээс ийм загварын даашинзаар гоёод авбал та загварын ертөнцийн тэргүүн эгнээнд зогсдог гэдгээ харуулсан алтан боломжийг алдахгүй ашиглалаа л гэсэн үг. Даашинзны хормой урт ч байж болно, богино ч байж болно. Энэ нь таны хөлөө ил гаргах уу, далдлах уу гэсэн хүслээс л хамаарна.
Мөнгөлөг өнгө: Цайвар цэнхэр, хөнгөн саарал өнгөн дэвсгэртэй мөнгөлөг гялалзсан гоёл чимэглэлтэй даашинзууд өөрөө шинэ жилийн өнгө юм. Энэ нь өөрөө үс болон арьсны ямар ч өнгөтэй хослоно. Шинэ жилийн үдшийн гэрэл зурагтаа тохируулан жижиг жижиг даашинзаа цасан ширхэг хатаж ч болно.
Ягаан өнгө: Ийм өнгийн даашинзууд үзэсгэлэнтэй харагдуулаад зогсохгүй хөнгөн, “амттай” бодол төрүүлнэ. Шинэ жилийн хувцасны хамгийн трэнд өнгө болж чадна гэдгийг битгий мартаарай.
Эх сурвалж: party
