Н.Батбаяр улсад 2 тэрбум 54 сая төгрөгийн хохирол учруулжээ
Эдийн засгийн хөгжлийн сайд асан Н.Батбаяр улсад 2 тэрбум 54 сая төгрөгийн хохирол учруулсан гэдгийг холбогдох албаны хүмүүс мэдээлэв. Мөн АТҮТ-ийн Тээвэр зохицуулалтын хэлтсийн дарга Д.Батбаяр бусдаас 54 сая төгрөгийн хахууль авсан, Батлан хамгаалах яамны сайдын нийгмийн асуудал хариуцсан зөвлөх Ж.Алтансүх бусдаас таван сая төгрөгийн хахууль авсан хэргүүдийг АТГ-аас онцлов. Тус газар авлига албан тушаалын хэргүүдийг шалгаж, он гарсаар 21 хэргийг шүүхэд шилжүүлжээ.