НҮБ-ын Ерөнхий нарийн бичгийн дарга асан Пан Ги Мүний хамаатны залуу авлигын хэрэгт буруутай гэдгээ хүлээлээ. Өдгөө 39 настай Пан Чу Хён Манхэттений шүүх хурлын үеэр АНУ-ын Хилийн чанад дахв авлигын тухай холбооны хуулийг зөрчсөн гэдгээ мэдэгджээ. Тэрбээр Вьетнам дахь нэгэн цогцолбор барилгыг хөрөнгө оруулалтын сангаараа дамжуулан авахын тулд Катарын эрх бүхий албан тушаалтнуудад хээл хахууль өгөхөөр үгсэн хуйвалдсан гэнэ.
Түүнд 06 дугаар сарын 29-нд шүүхээс ял оноохоор төлөвлөж байна. Тэрбээр 10 жил хоригдож магадгүй байгаа юм.
