Жил бүр Япон улсын Осака хотноо зохион байгуулдаг 17 дахь удаагийн Олон улсын Азийн кино наадмын сүүлийн шат өнгөрсөн гуравдугаар сард болж найруулагч Ж.Сэнгэдоржийн “Худалдагч охин” кино шалгарч “Гран при” цомын төлөө Азийн шилдэг 14 кинотой зэрэгцэн өрсөлдсөн. Энэ жил тус наадамд 954 кино өрсөлдөж сүүлийн шатанд 15 кино шалгарч үлдсэн билээ.
Тодруулбал, Солонгос, Египет, Араб, Хонгконг, Япон, Малайз, Филипин, Тайван, Хятад, Энэтхэг, Казакстан зэрэг олон орны кино уран бүтээлчдийн кинотой өрсөлдөж байсан.
Түүнчлэн найруулагч Ж.Сэнгэдоржийн “Худалдагч охин” киноны гол дүрийг бүтээсэн жүжигчин Б.Баярцэцэг Осакагийн кино наадмаас шилдэг эмэгтэй дүрийн шагналын эзэн болж байсан юм.
Тэгвэл Ж.Сэнгэдоржийн “Худалдагч охин” кино “New York Asian film festival – 2022”-д албан ёсоор шалгарсан байна.
