Волейболын эрэгтэйчүүдийн ДАШТ-ийг эх орондоо зохиох эрхгүй болсон Орос улс 80 сая долларын нөхөн төлбөр нэхэмжлэв

Оросын волейболын холбооны ерөнхий нарийн бичгийн дарга Александр Яременко Оросын албан ёсны мэдээллийн агентлаг ТАСС-т хэлэхдээ, тус байгууллага Олон улсын волейболын холбоо тэмцээн зохион байгуулахаар зэхсэн байсан ч эрхээ алдсандаа нөхөн төлбөр авахаар Спортын арбитрын шүүхэд давж заалдсан гэж мэдэгдэж байна.

ОХУ-д волейболын эрэгтэйчүүдийн дэлхийн аварга шалгаруулах тэмцээнийг наймдугаар сарын 26-наас есдүгээр сарын 11-ний хооронд зохион байгуулахаар төлөвлөж байсан бөгөөд тэмцээнийг нийслэл Москва зэрэг 10 хот зохион байгуулахаар сонгосон байна.

Гэсэн хэдий ч Олон улсын волейболын холбоо өнгөрсөн сард тус улс Украиныг түрэмгийлсний хариуд энэ арга хэмжээг Орост зохион байгуулахгүй гэж мэдэгдсэн.

Волейболын эрэгтэйчүүдийн дэлхийн аварга шалгаруулах тэмцээнийг зохион байгуулахаар Москва, Санкт-Петербург, Калининград, Казань, Кемерово, Красноярск, Новосибирск, Уфа, Екатеринбург, Ярославль, Белгород хотууд сонгогдоод байсан юм.