Хятадын эрх баригчид Канадын залуу дуучин Жастин Биберийг залуучуудад буруу үлгэр дууриалал үзүүлхээс сэрэмжилж тус улсад аялан тоглолт хийхийг хоригложээ. Албаны хүмүүсийн мэдээлснээр түүнийг ёсзүйгүй гэж үзсэн тул ийм шийдвэр гаргасан гэнэ.
Тэрбээр өмнө нь 2013 онд бие хамгаалагчдынхаа хамт Цагаан хэрэмд зочилж, аялан тоглолтоо хийж байжээ. Залуу дуучин энэ жил дэлхий даяар аялан тоглолтоо хийж байгаа бөгөөд оны сүүлээр Индонез, Япон, Филиппин, Сингапур, Хонконг зэрэг улсад өөрийн сонсогч фэнүүдтэйгээ уулзах юм байна.
