Дээд шүүхийн үйл ажиллагаанд хязгаарлалт тогтоолоо

Коронавируст халдварын улмаас өнөөдрөөс эхлэн нэгдүгээр сарын 27-ны өдрийг хүртэл Монгол Улсын дээд шүүхийн үйл ажиллагаанд хязгаарлалт тогтоохоор болжээ. Тус хугацаанд Улсын дээд шүүхэд гаргаж буй өргөдөл, хүсэлт, албан бичгийг шуудангаар болон info@supremecourt.mn цахим хаягаар хүлээн авах аж. Шуудан болон байгууллагын цахим хаягаар хүлээн авсан баримтын талаар хариу мэдэгдэх тул өөрийн хаяг, холбоо барих утасны дугаар, и-мэйл хаягаа тодорхой бичиж ирүүлэх шаардлагатай. Үүсээд байгаа нөхцөл байдалтай уялдуулан гаргасан шийдвэрт хүндэтгэлтэй хандаж, өөрийн болон бусдын эрүүл мэндийг сахин хамгаалж, болзошгүй эрсдэлээс урьдчилан сэргийлэхийг Улсын дээд шүүхээс мэдээллээ.