Японы Сайд нарын танхим 2022 оны санхүүгийн жилийн Батлан хамгаалахын төсвийг баталлаа. Энэ нь 5.4 их наяд иен буюу 47 тэрбум долларт хүрч дээд амжилт тогтоосон гэж Associated Press мэдээлэв.
Японы Батлан хамгаалах салбарын зардлын өсөлт 10 дахь жилдээ бүртгэгдэж байгаа бөгөөд энэ удаад 1.1%-иар өсчээ. Батлан хамгаалахын төсвийн төслийг Японы парламент хараахан батлаагүй байна.
Үүний зэрэгцээ, АР агентлагийн мэдээлснээр, төсөвт Японы зэвсэгт хүчин агаарт болон усан дор үйл ажиллагаа явуулах хиймэл оюун ухаанаар удирддаг хамгийн сүүлийн үеийн сөнөөгч онгоц, хэт авианы технологи, автомат удирдлагатай нисгэгчгүй нисэх төхөөрөмж зэрэг дэвшилтэт системүүдийг худалдан авах зардлыг тусгасан байна.
Хуучин сөнөөгч F-2 бөмбөгдөгч онгоцыг орлуулахаар сүүлийн 40 жилийн дараа Японд бүтээж байгаа анхны сөнөөгч болох шинэ F-X сөнөөгч онгоцыг бүтээхэд 870 сая доллар зарцуулж байна.
Мөн АНУ-аас F-35 сөнөөгч бөмбөгдөгч онгоц худалдаж авахад зориулж 1.1 тэрбум доллар гаргажээ. Тэдгээрийн дөрөв нь Японы хоёр нисдэг тэрэг тээгч дээр ашиглах боломжтой аж.
Тус улс БНАСАУ-ын заналхийллийн эсрэг бүс нутагтаа БНХАУ-аас илүү идэвхтэй бодлого явуулах шаардлагатай байгааг АР тэмдэглээд өмнө нь Японы Ерөнхий сайд Фумио Кишидагийн мэдэгдлийг эшилжээ.
Өмнөх өдөр нь Киодо агентлаг Японы Засгийн газрын нэрээ нууцалсан эх сурвалжаас иш татан, Япон, АНУ-ын арми Тайванийн эргэн тойронд онцгой байдлын үед хамтран ажиллах төлөвлөгөөний төслийг боловсруулсан тухай мэдээлсэн юм. Эх сурвалжийн мэдээлснээр, төлөвлөгөөнд АНУ-ын Тэнгисийн явган цэргийн корпус Тайвань хүртэл үргэлжилсэн Японы Рюкю арлын арлуудын аль нэгэнд довтолгооны ажиллагаа явуулах цэргийн түр бааз байгуулахаар тусгасан байна.
Тайванийн эргэн тойронд онцгой байдал үүсвэл АНУ-ын тэнгисийн явган цэргүүд тус бүсэд газардах бөгөөд Японы өөрийгөө хамгаалах арми америкчуудад логистикийн дэмжлэг, сум, түлшээр хангана гэж эх сурвалжууд тодруулсан байна.
Гэхдээ Баасан гаригт Японы Батлан хамгаалахын сайд Нобуо Киши энэ мэдээлэлд тайлбар өгөхөөс татгалзжээ. Тэрбээр Токио, Вашингтонд онцгой байдлын төлөвлөгөө байгаа хэдий ч түүний нарийн ширийн зүйлийг хэлэлцэх эрхгүй гэсэн байна. Харин Японд гадаадын цэргийн хүчийг байршуулах тухай Америк-Японы хэлэлцээр нь Японы нутаг дэвсгэрт шинэ бааз нээх боломжийг АНУ-д олгож байна хэмээжээ.
