Коронавируст /Ковид 19/ халдварт цар тахлын нөхцөл байдлаас шалтгаалан элсэлтийн ерөнхий шалгалт 08 дугаар сарын 19-нөөс 22-ны өдрүүдэд боллоо.
Энэ жилийн ЭЕШ-д Дорнод аймгийн ЕБС-ийн 12 дугаар анги төгсөгчид хамгийн олон буюу 5 хичээлээр нийт 7 сурагч 800 оноо авсан байна.
Элсэлтийн ерөнхий шалгалтандаа амжилт үзүүлсэн 7 сурагчдад тус бүр 1.000.000 /нэг сая/ төгрөгийн мөнгөн урамшуулал, бэлтгэсэн багш тус бүрт 500.000 /таван зуун мянган/ төгрөгийн мөнгөн урамшууллыг өнөөдөр аймгийн Хүүхдийн төлөө зөвлөлийн дарга бөгөөд Засаг дарга М.Бадамсүрэн гардуулж өглөө.
Элсэлтийн ерөнхий шалгалтад:
Монгол хэлний хичээлээр:
1. Баяндун сумын ерөнхий боловсролын сургуулийн сурагч Баттөмөр овогтой Гэрэлтунгалаг 96 хувийн гүйцэтгэлээр 800 оноо,
Математикийн хичээлээр:
2. Улсын тэргүүний 1 дүгээр сургуулийн сурагч Бямбахандын Балжмаа 100 хувийн гүйцэтгэлээр 800 оноо,
3. Батсуурь овогтой Сийлэгмаа 100 хувийн гүйцэтгэлээр 800 оноо
Нийгэм судлалын хичээлээр:
4. Баян-Уул сумын ерөнхий боловсролын сургуулийн сурагч Цэдэндорж овогтой Алтаншагай 100 хувийн гүйцэтгэлээр 800 оноо
5. Шинэ хөгжил цогцолбор сургуулийн сурагч Бямбадорж овогтой Сарангуа 100 хувийн гүйцэтгэлээр 800 оноо
Химийн хичээлээр:
6. 8 дугаар сургуулийн сурагч Мягмарсүрэн овогтой Халиунаа 94 хувийн гүйцэтгэлээр 800 оноо
Биологийн хичээлээр:
7. Улсын тэргүүний 1 дүгээр сургуулийн сурагч Гантулгын Мишээл 100 хувийн гүйцэтгэлээр 800 онооны амжилт үзүүллээ.
Сурагчдаа ЭЕШ-д амжилттай бэлтгэсэн нийт багш нар, сургууль хамт олон, эцэг, эхчүүддээ, дэмжиж хамтран ажилласан бүх хүмүүст ТАЛАРХАЛ илэрхийлж, нийт төгсөгчдийнхөө цаашдын сурлага хөдөлмөрт өндөр амжилт хүсье.
