Хятадын Шанхайн вирус судлалын багийн удирдагч, профессор Жан Вэньхун коронавирусийн “дельта” омгийг өнөөдөр хамгийн ихээр тархсан, илүү их халдварлах, вирус ачаалал өгөх чадвартай гэж мэдэгджээ. Гэхдээ энэ төрлийн халдварын эсрэг вакцинжуулалтын үр дүн маш өндөр гэснийг Global Times дамжуулав.
Энэтхэгийн омог аажмаар дэлхий даяар тархаж, хэдийгээр вакцинжуулалтын үзүүлэлт өндөр улс орнуудад халдварын тоо нэмэгдсэн хэдий ч энэ хувилбараас болсон нас баралтын түвшин эрс буурсан гэжээ.
Вакцин бол халдвараас 100% сэргийлэх чадваргүй. Гэхдээ вакцинжуулалтаа нэмэгдүүлснээр “дельта” омгийн тархалттай хамгийн хурдан аргаар тэмцэх арга болно хэмээн профессор тэмдэглэсэн аж.
Саяхан бодит судалгааны мэдээлэл, клиник туршилт дээр явуулсан томоохон хэмжээний судалгаагаар одоо байгаа вакцинууд шинэ омгуудын эсрэг урьдын адил үр дүнтэй, өвчний хүндрэлийн түвшнийг үр дүнтэй бууруулдаг хэвээр байна гэж Жан Вэньхун хэлжээ.
Эх сурвалж: Global Times
