Ерөнхий сайд Л.Оюун-Эрдэнэ УИХ-ын хаврын чуулганы 19 хуралдаанаас чөлөө авчээ

УИХ-ын хаврын ээлжит чуулган гуравдугаар сарын 15-наас долдугаар сарын 8-ны өдрүүдэд хуралдаж өндөрлсөн.

Үндсэн хуульд оруулсан нэмэлт, өөрчлөлтөөр хуралдах хугацааг сунгасан учир УИХ-ын хаврын чуулган анх удаа 75-аас дээш хоног хуралдсан юм.

Энэ удаагийн чуулганы хуралдаанд УИХ-ын гишүүд ямар ирцтэй оролцсон талаарх мэдээллийг хуралдаан зохион байгуулах хэлтсээс гаргажээ.

Хаврын ээлжит чуулган 34 удаа хуралдсаны 23-д нь буюу хамгийн олон удаа Ерөнхий сайд Л.Оюун-Эрдэнэ оролцоогүй байна. Тэрбээр 19 удаа чөлөө авчээ.

Харин чуулганы хуралдаанд бүрэн оролцсон/34 удаа/ найман гишүүн байна.

1. Г.Амартүвшин
2. Т.Аюурсайхан
3. Ё.Баатарбилэг
4. Б.Баярсайхан
5. Д.Ганбат
6. Б.Дэлгэрсайхан
7. Б.Пүрэвдорж
8. С.Чинзориг.

Тэгвэл УИХ-ын гишүүн Ц.Мөнх-Оргил/5/, Ж.Эрдэнэбат/6/ нар хуралдааныг хамгийн олон удаа тасалжээ.