Приус онхолдож, гурван хүн нас баржээ
Орон нутгийн зам тээврийн ослын улмаас өнгөрсөн амралтын өдрөөр 8 хүний амь нас хохирч, 1 хүн гэмтжээ.
Тухайлбал Хөвсгөл аймгийн Тосонцэнгэл сумын нутаг асфальтан замд T.Landcruiser маркийн автомашин онхолдож, зорчигч 67 настай Б, 8 настай А нарын 2 хүний амь нас хохирсон байна.
Мөн Дундговь аймгийн Дэлгэрцогт сумын нутаг Эрийн овоо гэх газар асфальтан замд T.prius маркийн автомашин онхолдож, жолооч 72 настай М, 57 настай Д, 6 настай С нарын 3 хүний амь нас хохирчээ.
Дээрхи хэргүүдийг аймгийн Цагдаагийн газар, хэлтэст шалгаж байна.
Г.Тэгшсүрэн