Сүүлийн хоногт “Ковид-19”-ийн улмаас 11 хүн нас барлаа

Сүүлийн 24 цагт арван нэгэн  хүн нас барсан байна. Нас барсан иргэд эмнэлэгт хэвтэн эмчлүүлж байсан.

Тухайн иргэд коронавирусийн халдвар авсан нь батлагдсанаас хойш 2-20 хоногийн хугацаанд эмнэлэгт хэвтэн эмчлүүлж байсан тухай Эрүүл мэндийн яамнаас мэдээллээ.

Тодруулбал,

• 2-15 хүртэл хоног эмнэлэгт хэвтэн эмчлүүлж байсан 50-59 насны 3 хүн,
• 4-10 хүртэл хоног эмнэлэгт хэвтэн эмчлүүлж байсан 60-69 насны 4 хүн,
• 5 хоног эмнэлэгт хэвтэн эмчлүүлсэн 70-70 насны нэг хүн,
• 13-20 хоног эмнэлэгт хэвтэн эмчлүүлж байсан 80-аас дээш насны 3 хүн өчигдөр коронавируст халдварын нэн хүнд хэлбэрээр нас барлаа.

Нийтдээ 380 хүн коронавирусийн халдвараар нас бараад байна. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье.

Дээрх иргэд амьсгалын архаг дутагшил, уушгины эмнэлгийн бус орчинд үүссэн хоёр талын хатгалгаа, бусад эрхтний дутагдал зэрэг өвчний шинж тэмдэгтэй байсан гэдгийг Эрүүл мэндийн яамны хэвлэлийн төлөөлөгч Б.Ууганбаяр хэллээ.

 

Л.Баяр