ЭМЯ-наас коронавирусний халдварын нөхцөл байдлын мэдээллийг хүргэдэг хэвлэлийн хурлын үеэр өнөөдөр ХӨСҮТ-ийн Дархлаажуулалтын албаны дарга О.Дашпагма дараах мэдээллийг өглөө.
Тэрбээр “Манай улс 490 мянга гаруй хүн тун вакцин хүлээн авсан. Цаашид нийт хүн амынхаа 60 хувийг дархлаажуулах вакцин хүлээн авахаар зорьж, ажиллаж байгаа. Дөрөвдүгээр сард багтаж 1.1 сая хүнийг вакцинд хамруулахаар төлөвлөж байна.
Гуравдугаар сарын 30-ны өдрийн байдлаар улсын хэмжээнд 300.366 хүнийг вакцины эхний тунд хамрууллаа. Энэ нь зорилтот хүн амын 15.2 хувийг эзэлж байна. Дархлаажуулалтын ажлын явцад урвал хүндрэл гарч байгаа эсэхийг хянаж байгаа. Одоогоор ноцтой урвал, хүндрэл бүртгэгдээгүй байна” гэлээ.
Эх сурвалж: ХӨСҮТ
