Олон улсын боксын холбоо /AIBA/-ноос 2021 оны гуравдугаар сарын 23-ны өдөр Монголын боксын холбоонд илгээсэн захидалдаа:
AIBA-гийн “Аваргууд ба алдартнууд” комиссын гишүүнээр сонгогдсон “Бээжин-2008” зуны ХХIX олимпийн наадмын аварга, Монголын үндэсний олимпын хорооны Ерөнхий нарийн бичгийн дарга, Монгол Улсын Хөдөлмөрийн баатар, Гавьяат тамирчин Э.Бадар-Ууган танд AIBA-гийн Ерөнхийлөгчийн нэрийн өмнөөс баяр хүргэе гэжээ.
Монгол Улсаас анх удаа Олон улсын боксын холбооны комиссын гишүүнээр сонгогдож байгаа олимпын аварга, ДАШТ-ий мөнгөн медальт Энхбатын Бадар-Ууган танд Их спортод Монгол эх орноо төлөөлөн ажиллах болсонд “Амжилтын төлөө хамтдаа” уриатай Монголын боксын холбоо болон үе үеийн боксчид, спорт сонирхогчид халуун баяр хүргэж байна.
Б.Эрдэнэ
