Орон гэргүй нэгэн эр тун санамсаргүй байдлаар үсчний газраар үйлчлүүлсэн нь түүний дүр төрхийг бүрэн өөрчлөөд зогсохгүй амьдралд нь томоохон өөрчлөлт авчирчээ. Шинэ засалттай зурагныхаа ачаар тэрбээр гэр бүлийнхэнтэйгээ нэгдэж чадсан байна.
45 настай Жоао Коэльо Гимарайнш 3 жилийн турш Бразилын гудамжинд аж төрж, орон гэргүй хүний тоонд орж явжээ. Нэг удаа тэрбээр сахал засах хутга гуйхаар үсчний газар орсон байна. гэтэл нэг үсчин түүнд үсийг нь үнэгүй засаж өгөх санал тавьж, гайхшируулжээ.
Салоны ажилтнууд Гимарайншийн имижийг эрс өөрчилж, түүний өмнөх болон дараах зургийг харьцуулан интернэтэд тавьжээ. Хэдхэн цагийн дараа өнөөх эр танигдахын аргагүй болж, шинэ засалт, хувцас нь кино од шиг л харагдуулж гэнэ.
Лобо нэртэй салоны эзэн энэ зургийг интернэтэд тавьтал эгч, ээж хоёр нь түүнийг таниад хүрээд иржээ. Төрөл төрөгсөд нь түүнийг амиа алдсан гэж хэдэн жилийн турш бодож байсан гэнэ. Ингээд үсээ засуулсан зурагныхаа ачаар өнөөх гэр бүлийнхэнтэйгээ уулзаж чаджээ.
