Олон улсын арьсны өвчин судлалын нийгэмлэг, Америкийн арьсны өвчин судлалын академиас коронавирусийн бас нэгэн өвөрмөц шинж тэмдгийг илрүүлжээ. COVID-19-тэй өвчтөнүүдийг судлах явцад тэдэнд ханиалгах, халуурахаас гадна хөлийн хуруунууд нь загатнах шинж илэрдэг гэнэ.
Эрдэмтдийн хэлснээр олонх өвчтөний хөлийн хуруу, ул нь улайж хавдсан байсан гэнэ. Энэ үзэгдэл хөлдөлттэй төстэй бөгөөд 1-4 долоо хоног үргэлжилдэг байна. Гэхдээ зарим өвчтөнд хэдэн сарын турш энэ шинж тэмдэг үргэлжилсэн аж. Энэ шинж тэмдэг юутай холбоотой болохыг эрдэмтэд тогтоохоор ажиллаж байгаа гэнэ.
