Зүүн хойд бүсийн усан сангаас Тасганы овооны усан сан хүртэлх цэвэр усны шугамын ажил эхлэхтэй холбоотойгоор тодорхой хугацаанд зам хаах талаар нийслэлийн Хөрөнгө оруулалтын газраас мэдэгдлээ.
Энэ амралтын өдрүүдэд зам засварын томоохон ажлыг хийх учраас Баянбүрдийн тойргийн замыг хэсэгчлэн хааж засвар хийнэ. Өнөө орой буюу 23:00 цагаас эхлэн маргааш 06:00 цаг хүртэл зам хааж, амралтын өдрүүдэд мөн тус цагт хэсэгчлэн хааж засварыг нийтэд нь дуусгана. Засварын ажлыг авто замын хөдөлгөөнд хүндрэл учруулахгүйгээр зохион байгуулна гэлээ.
