Зарим албан тушаалтны хөрөнгө, орлогын мэдүүлгийг мөрдөн шалгах ажиллагаанд шилжүүлэв

Авлигатай тэмцэх газар 2020 оны 6 дугаар сарын 15-19-ний өдрүүдэд 12 албан тушаалтны хувийн ашиг сонирхлын болон хөрөнгө, орлогын мэдүүлгийг хянан шийдвэрлэв.

Өнгөрсөн долоо хоногт 15 мэдүүлэг шинээр хүлээн авсан бөгөөд нийт 50 мэдүүлгийг хянан шалгажээ. Хянан шийдвэрлэсэн 12 мэдүүлгээс зөрчилтэй 1, зөрчилгүй 2, зөрчилд тооцохгүй анхааруулсан 7, мөрдөн шалгах ажиллагаанд шилжүүлсэн 2 байв.

Одоогоор ажиллагаанд 38 албан тушаалтны хувийн ашиг сонирхлын болон хөрөнгө, орлогын мэдүүлэг хянагдаж байна.