Монголбанкны дэд ерөнхийлөгчөөр Г.Энхтайвныг томилохыг дэмжлээ

Өнөөдрийн УИХ-ын чуулганаар Монголбанкны дэд ерөнхийлөгчийг томилох тухай асуудлыг хэлэлцэв. Улмаар Монголбанкны ерөнхийлөгч Н.Баяртсайханыг чөлөөлж, оронд нь дэд ерөнхийлөгч Б.Лхагвасүрэнг томилсон юм.

Иимд Монголбанкны дэд ерөнхийлөгчийн шинээр томилох шаардлага үүссэн юм. Үүний дагуу тус албан тушаалд Г.Энхтайваныг нэр дэвшүүлж гишүүдийн олонх нь Г.Энхтайваныг Монголбанкны дэд ерөнхийлөгчөөр томилохыг дэмжлээ.

Монголбанкны дэд ерөнхийлөгч Г.Энхтайваны намтрыг танилцуулъя.

Эзэмшсэн мэргэжил:

• 2007 онд АНУ-ын Арканзасын их сургуулийн бизнесийн удирдлагын бакалавр,
• 2013 онд Их Британийн Оксфордын их сургуулийн бизнесийн удирдлагын магистр,
• Лондонгийн Эдийн засаг, улс төрийн шинжлэх ухааны сургуулийн эрх зүйн магистрын зэрэг хамгаалсан.

Ажилласан байдал:

• 2007-2011 онд Санхүүгийн зохицуулах хороонд мэргэжилтэн, ахлах мэргэжилтэн, хянан шалгагч,
• 2011-2012 онд Гадаад харилцааны яаманд сайдын туслах, Эдийн засаг, хамтын ажиллагаа, гадаад хуралдааны газарт атташе,
• 2013-2015 онд “Америк банк”-д дадлагажигч/шинжээч,
• 2015-2018 онд “Хөдөө аж ахуйн давхар даатгал” ХК-ийн гүйцэтгэх захирал,
• 2018 оноос “Үндэсний давхар даатгал” ХК-ийн гүйцэтгэх захирлаар ажиллаж байна.