Сүхбаатарын талбайд автомашины улсын дугаар шинээр олгож байна

Өнөөдөр (2017.05.24) Сүхбаатарын талбайд Зам тээврийн хөгжлийн яам иргэдэд үйлчилж байна. Өдөрлөгийн үеэр тээврийн хэрэгслийн улсын дугаар шинээр олгох,  нийтийн тээврийн цахим төлбөрийн систем, U-money картыг борлуулах юм байна. Мөн  хот хоорондын зорчигчийн тасалбарыг ТҮЦ машинаар олгож эхэлсэн талаарх  мэдээллийг авах боломжтой.

Энэ үеэр иргэдэд шинэ болон хуучин авто машины үзэсгэлэн, “Экологбус” ХХК-ийн үйлдвэрлэсэн Экобус болон цахилгаан авто машин, аялалын машин, ШУТИС-ын оюутнуудын зохион бүтээсэн эдийн засагт хэмнэлттэй “Эко машин”, АН-2 онгоцыг монгол инженер, техникчид шинэчлэн засаж, шинэ онгоц үйлдвэрлэх болсон тухай сонирхуулж байгаа юм.