Төрийн соёрхолт дуучин Д.Болд 12 цомгийнхоо хит дуунуудаар “The best of BOLD” нэртэй хос пянз гаргажээ. Уг хос пянзанд нийт 20 хит дуу багтсан байна. Пянзыг 180 граммын тунгалаг винил материалаар хийсэн бөгөөд ковер дизайныг нь өвөрмөц технологи болох 3D солигддог зурагтайгаар хийсэн ажээ.
Тэрбээр энэ талаараа өөрийн цахим хуудсаараа дамжуулан сонсогчдодоо хэлсэн бөгөөд уг пянзаа Япон улсын “Aubrite mastering” студид хийлгэсэн аж. Одоогийн байдлаар хэдэн төгрөгөр борлуулагдах нь хараахан тодорхой болоогүй байна.
