Монголын эмэгтэйчүүдийн холбооноос жил бүр салбар салбарын оны шилдэг эмэгтэйчүүдийг шалгаруулж, “Алунгоо” цом олгох ёслол энэ жил “Архигүй баярын ширээ” уриан дор энэ сарын 21-нд УДЭТ-ын тайзнаа болно.
“Алунгоо-2019” ёслолын төгсгөлд МЭХ-ны анхны даргаар ажиллаж байсан, их зохиолч Дашдоржийн Нацагдоржийн гэргий Дамдины Пагмадуламын амьдрал, намтраас сэдэвлэсэн “Жаргаагүй нар” түүхэн жүжгийг үзүүлнэ.
“Алунгоо” шагналтнаар дамжуулан жендэрийн эрх тэгш байдлыг хангах үйлсийг дэмжин сурталчлах, охид, эмэгтэйчүүдэд улс төр, эдийн засаг, нийгмийн эрх тэгш боломж олговол дэлхий даяар тунхагласан Тогтвортой хөгжлийн зорилтуудыг хангахад бодитой түлхэц болно гэдгийг нийгэмд таниулах зорилгоор Алунгоо цомын эзнийг шалгаруулдаг юм .
Оны эмэгтэй шалгаруулах номинацийн төрөл
Оны малчин эмэгтэй
Хөдөө аж ахуй, газар тариалангийн салбарын оны эмэгтэй
Боловсролын салбарын оны эмэгтэй /Бага, дунд/
Эрүүл мэндийн салбарын оны эмэгтэй
Шинжлэх ухаан, инновацын салбарын оны эмэгтэй
Соёл, урлагийн салбарын оны эмэгтэй
Спортын салбарын оны эмэгтэй
Иргэний нийгэм, хүмүүнлэгийн байгууллагын оны эмэгтэй
Бизнес эрхлэгч оны эмэгтэй /худалдаа үйлчилгээ, нийтийн аж ахуй/
Банк санхүүгийн салбарын оны эмэгтэй
Жижиг дунд үйлдвэрлэлийн салбарын оны эмэгтэй
Хүнд үйлдвэр, дэд бүтцийн салбарын оны эмэгтэй
Хүнс, хөнгөн үйлдвэрлэлийн салбарын оны эмэгтэй төрлөөр шилдэг эмэгтэйчүүдийг шалгаруулна.
