Манай балетчид Сөүл хотноо “Жизель” тогложээ

Дуурь Бүжгийн Эрдмийн Театр энэ онд гадаад харилцаа, хамтын ажиллагаагаа өргөжүүлэхээр томоохон ажлууд төлөвлөсний нэг нь БНСУ-ын “Wise” бүжгэн жүжгийн театртай хамтран тоглолт зохион байгууллаа. Тэгвэл эл ажлын хүрээнд өнгөрсөн дөрөвдүгээр сард БНСУ-ын 24 хүний бүрэлдэхүүнтэй баг хамт олон ДБЭТ-ын уран бүтээлчидтэй хамтран “High feeling” модерн тоглолтоо тус театрын тайзнаа амилуулсан билээ.

Тэгвэл ДБЭТ-ын удирдлагууд болон балет ангийнхан зэрэг 28 хүний бүрэлдхүүнтэй баг хамт олон энэ сарын 22, 23-нд БНСУ-ын Сөүл хотноо, дэлхийн сонгодог бүтээл болох А.Аданы “Жизель” балетыг “Wise” балетын театрын уран бүтээлчидтэй хамтран үзэгчдэд хүргэжээ.