Ногоон хөгжилХууль эрхзүй

Хоёр сарын хугацаанд ашигт малтмалын 73 лиценз цуцлагджээ

Ашигт малтмал, газрын тосны газрын мэдээллээр найм болон есдүгээр сард 73 лиценз цуцлагдсан байна. Үүнээс өнгөрсөн есдүгээр сард тусгай зөвшөөрлөө төлөөгүй гэх шалтгаанаар 16 лицензийг цуцалсан юм. Харин наймдугаар сард 57 тусгай зөвшөөрлийг цуцалсан билээ.

Үүний 29 нь ашиглалтын лиценз байснаас 24-ийг нь ашигт малтмалын хуульд заасан “Байгаль орчинд хортой нөлөөлж байгаа, нөхөн сэргээх, байгаль орчны менежментийн төлөвлөгөөгөө биелүүлээгүй” гэх орон нутгийн захиргааны гаргасан гомдолд үндэслэсэн байна.

Он гарснаас хойш эхний есөн сарын байдлаар ашигт малтмалын нийт 141 лиценз цуцалсны 56 нь ашиглалтынх ажээ. Цуцлагдсан ашиглалтын лицензүүдийн 45 хувь нь Байгаль орчин, аялал жуулчлалын яамны дүгнэлтээр, 37 хувь нь тусгай зөвшөөрлийн төлбөр төлөөгүй гэх шалтгаанаар, 18 хувь нь Мэргэжлийн хяналтын ерөнхий газрын дүгнэлтээр цуцлагдсан байна.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close