Өмнөговь аймгийн Мандал-Овоо суманд газар хөдөлжээ. Тус сумын төвөөс хойд зүгт 29 км-т байдаг Өтгөн багийн “Дахтын зоо” гэдэг газарт 10.02-ны өдрийн 02:11 цагт 3.6 магнитутын хүчтэй газар хөдлөлт бүртгэгдсэн байна.
Газар хөдлөлтийн тухай мэдээллийг тус аймгийн Газар хөдлөл бүртгэх станцаас мөн өдрийн 09:05 цагт хүлээн авсан. Тус сумын Засаг даргын Тамгын газрын дарга Д.Адилбишээс мэдээллийн дагуу тодруулахад газар хөдлөлтийн чичирхийлэл иргэдэд мэдрэгдсэн, учирсан хохирол байхгүй тухай мэдээллийг тус аймгийн Онцгой байдлын газарт мэдээлжээ.
